શ્રી સવાભગતની જગ્યા - પીપળીધામમાં આપનું સ્વાગત છે

શ્રી રામદેવપીર પીઠ, પીપળીધામ

વિક્રમ સંવત ૨૦૫૪ના ચૈત્ર વદ ચોથ, પાંચમ અને છઠ — એટલે કે ગુરુવાર, શુક્રવાર અને શનિવાર, અનુરૂપ ઈ.સ. ૧૯૯૮ના ૧૬, ૧૭ અને ૧૮ એપ્રિલના શુભ દિવસો મંદિરના પવિત્ર કાર્યક્રમો માટે નિર્ધારિત કરવામાં આવ્યા હતા.

આ આયોજન દરમિયાન ચૈત્ર વદ પાંચમ, તા. ૧૭ એપ્રિલ, ૧૯૯૮ (૧૭-૦૪-૧૯૯૮)ના શુભ દિવસે મૂર્તિની વૈદિક વિધિ મુજબ પ્રાણ-પ્રતિષ્ઠા સંપન્ન કરવામાં આવી હતી. આ પવિત્ર પ્રસંગે મંદિરના ઇતિહાસમાં એક ગૌરવપૂર્ણ અધ્યાય ઉમેરાયો અને આ દિવસ આજે પણ ભક્તો માટે શ્રદ્ધા, ભક્તિ અને આધ્યાત્મિક પ્રેરણાનું પ્રતીક માનવામાં આવે છે.

વધુ વાંચો

પ.પૂ. બ્રહ્મનિષ્ઠ સદ્‌ગુરુ શ્રી સવારામ સાહેબ

આ જ વર્ષે એટલે કે વિ.સં. ૧૯૬૮માં તેઓને રણુજાના રાય પીર રામદેવજી મહારાજ મળ્યા. શ્રી સવારામ સાહેબ સાથે શ્રી રામદેવજી મહારાજનું પૂર્વનું અનુસંધાન સંકળાયેલું હતું. એ અનુસંધાને તેઓ પીપળીમાં શ્રી સવારામ બાપાને આવી મળ્યા. એ અનુસાર એક રાત્રે તેઓ શ્રી સવારામ સાહેબના ઘેર પધાર્યા અને શ્રી સવારામ સાહેબને વચન આપતાં કહ્યું કે, ‘‘સવા, મારે તારે ત્યાં કાયમી બેસવું છે. નિવાસ કરવો છે. અહીં અખંડ સદાવ્રત શરૂ થશે અને ઘોડો આવશે તથા ઈશાન ખૂણામાં બાવન ગજનો નેજો ફરકશે એવું મારું વચન છે.’’

શ્રી સવારામ સાહેબની ભીતરની દોલત તો ભરપૂર હતી પણ જગતની ભૌતિક દોલતનો અભાવ હતો. પોતાની નબળી આર્થિક પરિસ્થિતિને લીધે તેમણે કહ્યું કે, ‘‘હું નેજો ક્યાં ચડાવું ? મારાથી તો એ બની શકે એમ નથી. છતાંય આપની આજ્ઞા હોય તો આપણા ઘેર એક લીંબડી છે તેના પર ચડાવું.’’

આ શબ્દો સાંભળી પીર રામદેવજી મહારાજે કહ્યું કે, ‘‘તું ચિંતા ફીકર કરીશ નહિ. તારી જોગવાઈ હોય કે ન હોય પણ મારે તારે ત્યાં બેસવું છે. આ તો પૂર્વનું કોઈ નીકટનું અનુસંધાન છે, પૂર્વનો કોઈ નીકટનો નાતો છે, પૂર્વની કોઈ ગ્રંથિ છે. એથી આ અનુકૂળ બન્યું છે. આગળ ઉપર સમય અનુકૂળ બનતાં અનાયાસે જે પુરુષના હાથે જે કંઈ બનવાનું હશે તે બનશે...’’

શ્રી સવારામ સાહેબે આવા શબ્દો સાંભળી કહ્યું કે, ‘‘ભલે જેવી આપની ઇચ્છા.’’

સંપૂર્ણ ઇતિહાસ વાંચો

પ.પૂ. શ્રી શ્રી અનંત વિભૂષિત જગતગુરુ રામદેવાચાર્ય ભક્તરાજ શ્રી વાસુદેવ મહારાજ ગુરુ શ્રી બળદેવદાસ મહારાજ

ભક્ત વત્સલ, દયા, દાતારી, સત્ય, પ્રેમ કરૂણાના સાગર સ્નેહ મૂર્તિ ભજન ના ઉપાસક બ્રહ્મનિષ્ઠ સદ્દગુરૂ શ્રી સવારામ બાપાના ભજન ભોજનના આશીર્વાદથી અને સહજ મૂર્તિ ભક્તરાજ શ્રી બળદેવદાસ મહારાજની અહેતુક કૃપાથી શ્રી રામદેવપીર મંદિર શ્રી સવાભગતની જગ્યા પીપળીધામના વર્તમાન ગાદિપતિ પરમ પૂજ્ય ભક્તરાજ શ્રી વાસુદેવ મહારાજને વિક્રમ સંવત ૨૦૮૨ ભાદરવા સુદ-દશમને સોમવાર, તા.૨૧-૦૯-૨૦૨૬ ના રોજ સાંજે ૫.૧૫ કલાકે સમગ્ર ભારત વર્ષના આચાર્યશ્રીઓ અને જગતગુરૂ શ્રી રામાનંદાચાર્ય તેમજ શ્રી વૈષ્ણવ સંપ્રદાયના ત્રણેય અની અખાડાના શ્રી મહંતો-મહામંડલેશ્વર, સાધુ-સંતો, મહંતો, કથાકારશ્રીઓ, કલાના ઉપાસકો, સમાજસેવકો, રાજકીય આગેવાનો, સમગ્ર સેવક સમુદાચની ઉપસ્થિતિમાં

પાવન પ.પૂ. ભક્તરાજ શ્રી વાસુદેવ મહારાજની એમની સમાજ સેવા, ભજન, ભોજનભાવ અને સેવક સમુદાયની રાષ્ટ્રપ્રેમ, ગૌ-માતાનો પ્રેમ, સાધુ-સંતોની સેવાનું દર્શન કરતાં પ.પૂ. ભક્તરાજ શ્રી વાસુદેવ મહારાજને શ્રી રામદેવપીર પીઠના જગતગુરૂ રામદેવાચાર્ય પદ પર બિરાજમાન કરવામાં આવ્યા છે.

શ્રી પરમપૂજ્ય ભક્તરાજ શ્રી વાસુદેવ મહારાજને શ્રી રામદેવપીર પીઠ પીપળીધામ ના શ્રી શ્રી અનંત વિભૂષિત જગતગુરૂ શ્રી રામદેવાચાર્ય ભક્તરાજ શ્રી વાસુદેવ મહારાજ ગુરૂ શ્રી બળદેવદાસ મહારાજ રૂપે પ્રતિષ્ઠિત કરવામાં આવ્યા છે.